У панядзелак на працягу дня у Мінску, Гродне і іншых гарадах прайшлі маршы пенсіянераў, студэнцкія акцыі. А ўвечары людзі яшчэ раз выйшлі на вуліцы, абураныя спробамі жорсткага разгону маршу пенсіянераў. Многія вуліцы Мінска былі перакрытыя, у некалькіх месцах блакіравалі МКАД.
Сілавікі ўжывалі для разгону святлошумавыя прылады і газ. Праваабаронцам вядомыя 72 прозвішчы затрыманых у панядзелак. Паведамляецца, што некаторых з РУУС забралі «хуткія».
