Пра выпадак піша СК у сваім тэлеграм-канале. Дзяўчына працавала ў адным з аддзяленняў сувязі ў Мінску. З сакавіка па май яна забрала грашовых пераводаў на 10 тысяч рублёў.
Вядома, што дзяўчына перад гэтым захапілася гульнёй у інтэрнэт-казіно. Але каб не траціць свой заробак, а працягваць гуляць, яна прыдумала наступную схему.
Дзякуючы ўсталяванай на яе працоўным камп'ютары праграме, яна знаходзіла незапатрабаваныя доўгі час грашовыя пераводы. Грошы або забірала наяўнымі, альбо адразу пералічвала на рахунак у гульні. Пры гэтым складала распіскі ад імя атрымальніка, што перавод выдадзены.
Дзяўчына пад падпіскай аб нявыездзе і належных паводзінах. Віну прызнала і раскаялася, а грошы вярнула.





