Некаторыя святары Мінскай і Барысаўскай епархіі атрымалі ад патрыяршага экзарха Веніяміна ліст з заклікам маліцца за здароўе мітрапаліта Філарэта (Кірыла Вахрамеева) з прычыны каранавіруса.
У лісце сцвярджаецца, што Філарэта шпіталізавалі яшчэ 16 снежня з пацверджаным COVID-19.
«Стан мітрапаліта Філарэта задавальняючы, ён знаходзіцца пад сталым назіраннем дактароў», — гаворыцца таксама ў лісце.
Мітрапаліт Філарэт нарадзіўся ў 1935 годзе. З 1978 па 2013 кіраваў праваслаўнай царквой у Беларусі. Мае званне Герой Беларусі.
