Каардынацыйная рада пракаментавала новыя крымінальныя справы, якія Генпракуратура завяла супраць членаў КС. Там нагадалі, што структура ніколі не заклікала да незаконных дзеянняў.
— Каардынацыйная рада была створаная як пляцоўка для перамоў з мэтай пераадолення палітычнага крызісу. Мы заўсёды дзейнічалі ў рамках прававога поля і ніколі не заклікалі да незаконных дзеянняў. Мы працягваем настойваць на дыялогу, а не грубым парушэнні правоў грамадзян выказваць сваё меркаванне. Наша мэта застаецца ранейшай — дыялог для вырашэння палітычнага крызісу, — адзначылі ў Каардынацыйнай радзе.
Там назвалі выстаўленыя абвінавачванні абсурднымі.
— Легітымная ўлада не мае патрэбы ў рэпрэсіях, — гаворыцца ў заяве.
0
0
0
0
0
0
