Міліцыя прыме ўсе меры, каб не дапусціць ніводнага надзвычайнага здарэння ў навагоднія святы, заявіла афіцыйны прадстаўнік МУС Вольга Чамаданава ў эфіры БТ, паведамляе БелТА.
«Узмоцнены варыянт (нясення службы) фактычна працягваецца», — сказала Вольга Чамаданава.
Афіцыйны прадстаўнік МУС звярнулася да жыхароў краіны і гасцей, якія прыедуць на навагоднія святы, з просьбай з разуменнем ставіцца да некаторых мерапрыемстваў, якія будуць праводзіць супрацоўнікі міліцыі. Гаворка ідзе аб прапускным рэжыме, аб надглядных мерапрыемствах, патлумачыла Чамаданава, удакладніўшы, што гэтыя меры прымаюцца «выключна ў мэтах бяспекі».
У мінулыя гады каля навагодніх ялін людзі збіраліся свабодна. Захады гэтага года могуць быць звязаныя з жаданнем уладаў не дапусціць масавых акцый пратэсту супраць рэжыму Аляксандра Лукашэнкі на Новы год.
