Усё адбылося яшчэ ў чэрвені. «Абвінавачаны Ж.», як яго называюць у паведамленні суда, быў п’яны «падчас правядзення незаконнага палявання». Пры сабе меў незарэгістраваную стрэльбу.
«У нейкі момант 42-гадовы мужчына заўважыў рух у кустах і, палічыўшы, што гэта жывёла, стрэліў», — паведамлялі следчыя.
Аказалася, што ў кустах быў той самы знаёмы. Паранены памёр на месцы.
На судзе Ж. прызнаў віну. Абцяжарваючымі абставінамі прызналі тое, што ён быў на паляванні п’яны, а «абставінамі, якія змякчаюць адказнасць абвінавачанага, прызнаныя чыстасардэчнае раскаянне і наяўнасць на ўтрыманні дваіх малалетніх дзяцей».
Прысуд — 2 гады і 6 месяцаў хатняй хіміі за прычыненне смерці па неасцярожнасці. Ну і на 5 гадоў мужчыну забаронена паляваць.
А што, не на асфальце ж маляваў.