Пра гэта паведаміў намеснік міністра эканомікі — гандлёвы прадстаўнік Украіны Тарас Качка, піша interfax.by.
«Паводле аператыўнай інфармацыі, Беларусь увяла рэжым індывідуальнага ліцэнзавання на імпарт шэрагу ўкраінскіх тавараў: кандытарскія вырабы, шакалад, сокі, піва, пліты ДСП і ДВП, шпалеры, туалетная папера і ўпакоўка, цэгла, керамічная плітка, шкляныя ампулы, сельгастэхніка для пасеву, пральныя машыны і мэблю. Гэта рашэнне зацверджана пастановай Савета міністраў Беларусі ад 26 мая №292», — напісаў ён.
Ён удакладніў, што рашэнне разлічана на паўгода.
«Такія дзеянні з'яўляюцца неабгрунтаванымі і дыскрымінацыйнымі.
Рэжым індывідуальнага ліцэнзавання азначае ручное кіраванне ўвозам украінскай прадукцыі ў Беларусь.
Урад праводзіць кансультацыі з вытворцамі па ліквідацыі негатыўных наступстваў дыскрымінацыйных дзеянняў урада Беларусі», — адзначыў Качка.
Паводле прэс-службы ўрада Беларусі, пастанова №292 будзе афіцыйна апублікаваная ў бліжэйшы час. «Частка пунктаў ўступіць у сілу з нядзелі, частка пазней», — патлумачылі журналістам у прэс-службе.
