Мінздароўя: За суткі ў Беларусі выявілі 582 новыя выпадкі COVID-19
На 20 чэрвеня ў Беларусі зарэгістравана 410 678 пацверджаных з пачатку пандэміі выпадкаў каранавіруснай інфекцыі, у тым ліку за мінулыя суткі выявілі 582 захварэлых, паведамляе Міністэрства аховы здароўя.
З пачатку распаўсюджвання ў краіне інфекцыі налічваецца 403 758 ачунялых, за апошнія суткі выпісаныя 882 пацыенты. У краіне за ўвесь час памерлі 3044 пацыенты з каранавірусам, з іх дзевяць — за суткі.
У айчынных лабараторыях праведзена 6 645 103 тэсты для вызначэння інфекцыі, уключаючы 17 200, выкананых за апошнія суткі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
