У Гомельскім раёне 35-гадовая жанчына памерла ад перадазіроўкі — псіхатроп вырабіў яе брат, паведамілі ва УУС аблвыканкама.
Увечары 20 чэрвеня ў аграгарадку Новая Гута брыгада медыкаў канстатавала смерць 35-гадовай мясцовай жыхаркі. Да смерці жанчыны можа быць датычны яе 36-гадовы брат з Віцебскай вобласці.
Высветлілася, што мужчына быў на заробках у Расіі і прывёз абсталяванне, рэагенты і рэактывы для вырабу метамфетаміну. Наркалабараторыю стварыў проста ў кватэры сваячкі, дзе жывуць і яе дзеці (14 і 6 гадоў). Ён стаў вырабляць забаронены прадукт, які ў выніку пачала ўжываць і жанчына.
За незаконны абарот наркотыкаў распачата крымінальная справа.
