Onliner.by
Onliner.by паспрабаваў разабрацца, што ўсё гэта значыць.
У афіцыйным часопісе ЕС прыводзіцца тлумачэнне прычын, чаму «Белавія» ўключылі ў санкцыйны спіс. Але канкрэтныя забароны там не прапісаныя.
Тым не менш гэтая сітуацыя ўжо паўплывала на працу авіякампаніі.
— У сувязі з увядзеннем абмежаванняў авіякампанія вымушана скараціла парк паветраных судоў. На гэты момант флот авіякампаніі складаецца з 15 самалётаў, — паведамілі ў «Белавія».
Паводле інфармацыі на сайце кампаніі, на пачатку года было 29 паветраных судоў.
«На пачатку года ў «Белавія» знаходзілася 18 самалётаў у лізінгу. Строга выконваючы кантракты, часткова мы вярнулі самалёты на патрабаванне лізінгавых кампаній» — распавядаў кіраўнік авіякампаніі Ігар Чаргінец у канцы лістапада.
Гэтых самалётаў хопіць?
У авіякампаніі лічаць, што гэтага цалкам дастаткова для выканання ўсіх запланаваных рэйсаў у зімовым сезоне — як рэгулярных, так і чартарных.
Самы вялікі камерцыйны флот у свеце ў авіякампаніі American Airlines — каля 900 самалётаў. У іншых гігантаў, нямецкай Lufthansa і амерыканскай United Airlines — прыкладна па 760 самалётаў.
Ці рэальна купіць новыя самалёты?
У кампаніі кажуць, што так.
Да летняга сезона хочуць купіць новыя самалёты, а таксама дамовіцца аб лізінгу з кампаніямі — нерэзідэнтамі ЕС.
«Ёсць для гэтага Кітай, ёсць іншыя краіны ў Еўропе, якія не належаць да ЕС, у Расіі будзем браць самалёты. Мы знойдзем борты для нашага парку. Частку самалётаў мы ўжо набылі, частку яшчэ купім цяпер», — каментаваў Чаргінец разрыў стасункаў з лізінгавымі кампаніямі з ЕС.
Хачу купіць квіткі на зімовыя вакацыі. Ці могуць потым адмяніць рэйсы?
У «Белавія» заяўляюць, што ўведзеныя абмежаванні не адаб'юцца на рэйсах, якія ўжо запланаваныя ў бягучым раскладзе. Але асобныя карэкціроўкі могуць быць.
— Зімовы расклад сфармаваны. Як і раней, у працэсе працы і аналізу загружанасці рэйсаў у расклад могуць уносіцца кропкавыя карэкціроўкі на працягу ўсяго сезона, звязаныя з аптымізацыяй ратацыі самалётаў і пабудовай аптымальнай стыкавай базы.
Пераважная большасць рэйсаў будзе выкананая па раскладзе. У адзінкавых выпадках змены раскладу пасажыры рэгулярных рэйсаў папярэджваюцца пра гэта персанальна, пры змене раскладу чартарных рэйсаў інфармуецца заказчык рэйса, — кажуць прадстаўнікі авіяперавозчыка.
А што з чартарамі?
У турыстычных кампаніях тлумачаць, што на гэты момант чартары з Беларусі лётаюць толькі ў Егіпет. Карэкціровак у раскладзе не было.
— Вядома, турфірмы таксама сочаць за тым, што адбываецца, бо ў нас ёсць залежнасць ад чартараў. Цяпер лятаем толькі ў Егіпет, адпаведна, задзейнічана не так шмат самалётаў, каб, умоўна кажучы, іх не хапіла. Куды больш бартоў трэба ў летні сезон, калі ёсць Турцыя і, магчыма, іншыя кірункі.
З рэгулярных напрамкаў, куды цяпер лётаюць турысты, гэта Эміраты. Туды, як звычайна, лётаюць «Белавія» і flydubai.
Наогул, асаблівасць зімовага сезона — гэта экзатычныя напрамкі з вылетам з Масквы. Гэта не масавы паток турыстаў. Да таго ж частка людзей, якія збіраліся цяпер ляцець, з-за новага штама «амікрон» вырашылі перачакаць, паглядзець, як будзе ўсё развівацца.
Іншая сітуацыя: білет набыты, цяпер думаю аб тым, каб яго здаць. Мне вернуць грошы? Ці я магу паляцець пазней?
Грошы за квіткі вяртаюцца ў адпаведнасці з правіламі абранага тарыфу. Не для ўсіх тарыфаў вяртанне білетаў дазволенае.
Змяніць дату падарожжа можна з даплатай або без яе, гэта залежыць ад абранага тарыфу.
Ці можна цяпер паляцець на адпачынак і потым застацца ў іншай краіне?
— Рызыкі застацца ў чужой краіне няма. Дзяржавы, у якія цяпер выконваюцца палёты, адкрытыя для «Белавія», новыя абмежаванні не паўплываюць на іх даступнасць, рэйсы будуць выконвацца ў адпаведнасці з раскладам, — кажуць у авіякампаніі.
Што будзе з коштамі на квіткі?
Цэны на авіябілеты мяняюцца дынамічна і залежаць ад бягучай і прагназуемай загрузкі рэйсаў, попыту на авіяперавозкі па канкрэтным кірунку і іншых фактараў. У сувязі з сітуацыяй цана на пералёты не зменіцца, лічаць у авіякампаніі.
А што будзе летам, калі турысты масава захочуць на мора?
Пакуль ні турфірмы, ні авіякампанія не даюць канкрэтыкі. Аб новых напрамках казаць не прыходзіцца.
— Пры планаванні раскладу палётаў на летні перыяд-2022 авіякампанія зыходзіць з рэальнай колькасці самалётаў у флоце, — адказалі ў «Белавія».
