Пра тое, што Андрэй Кузнечык не выйшаў на волю, стала вядома ад яго сям’і.
Кузнечыка затрымалі вечарам 25 лістапада, правялі ў кватэры ператрус, забраўшы тэхніку, грошы, а яго адправілі на Акрэсціна. затым суд Заводскага раёна Мінска прызнаў Андрэя вінаватым у «дробным хуліганстве» і пакараў 10 суткамі арышту. Тэрмін зняволення заканчваўся вечарам у нядзелю.
Нагадаем, што вечарам 25 лістапада быў узламаны тг-канал «Радыё Свабода».
