Фота Ганны Івановай: Onliner.by
Першая частка тычыцца тэлебачання, тут заяўлена сума 2,3 мільёны рублёў (гэта амаль 909 тысяч даляраў). Перыядычнасць правядзення дзяржзакупак — студзень, люты і сакавік. Падрабязнага апісання тэндара няма, вядома толькі, што грошы з бюджэту накіраваныя на правядзенне дзяржаўнай палітыкі праз СМІ — стварэнне тэлепраграм. Навіны Мінска найбольш асвятляе тэлеканал «СТБ», які ў свой час і стартаваўся як сталічнае тэлебачанне, але з 2005 года з’яўляецца нацыянальным тэлеканалам.
Яшчэ больш грошай з бюджэту пойдзе на стварэнне тэкставых матэрыялаў — у газетах «Мінскі кур’ер», «Вячэрні Мінск», на сайце інфармацыйнага агенцтва «Мінск-Навіны» і на старонках дзіцячага часопіса «Качели», Мінгарвыканкам выступае заснавальнікам СМІ. На гэта з бюджэту выдзяляць больш за 5 мільёнаў рублёў (ці 1,98 мільёна даляраў). Перыядычнасць правядзення дзяржзакупак — люты, сакавік і красавік.
Агулам на стварэнне прадзяржаўных матэрыялаў у СМІ з бюджэту пойдзе больш за 7 мільёнаў рублёў, гэта каля 2,9 мільёнаў даляраў.
Таксама горад патраціць каля 20 тысяч рублёў на падпіску на СМІ, пераклад сайта Мінгарвыканкама з рускай на англійскую мову будзе каштаваць бюджэту 27 тысяч рублёў.
Нагадаем, напрыканцы 2021 года ўрад зацвердзіў спіс дзяржаўных СМІ, якім выдзяляць грошы з рэспубліканскага бюджэту. Сумы не агалошваюцца, але вядома, што ў спісе газеты «СБ. Беларусь сегодня», «Звязда», «Народная газета», «Рэспубліка», «Літаратура і мастацтва», часопісы «Спецназ», «Маладосць», «Мастацтва».
Топяць за перамены і працуюць на прапаганду. Як па-рознаму склаўся лёс вядучых легендарнага ток-шоу «5х5»
«Беларуская прапаганда б'е няўлад». Распыталі расійскага палітолага, ці варта чакаць рэакцый на кпіны ў адрас Пуціна з дзяржТБ
«Ва Украіну маці праводзіла нібыта на вайну ў Чачню». Дзяніс Дудзінскі пра жыццё і працу ў Кіеве, стасункі з бацькамі і прапагандыстаў
