Пра гэта ў інтэрв'ю агенцтву APA заявіў старшыня праўлення кампаніі Томас Арнольдер, піша Zerkalo.io.
Telekom Austria занепакоеная становішчам беларускага офіса кампаніі A1 і арыштам Мікалая Брэдзелева. Па словах Арнольдэра, ён сам ставіцца да гэтага асцярожна і не хоча падліваць алей ў агонь.
«Па гэтай сітуацыі няма ніякіх навін, якімі я магу падзяліцца з вамі. Нядаўна адбылося моцнае абвастрэнне, я думаю, мы сказалі ўсё, што трэба сказаць па гэтым пытанні. Нас сапраўды больш за ўсё турбуе сітуацыя і бяспека нашых супрацоўнікаў, але, вядома, мы таксама хочам забяспечыць найлепшае абслугоўванне нашых кліентаў», — падкрэсліў ён, запэўніўшы, што кампанія «падтрымлівае сваіх супрацоўнікаў і свае мясцовыя аперацыі на месцах».
Па словах Томаса Арнольдэра, бізнэс у Беларусі прыносіць кампаніі прыкладна дзясятую частку даходаў:
«Беларусь — важны для нас рынак, мы працуем там вельмі паспяхова ўжо шмат гадоў — падкрэсліў ён, адзначыўшы, што сыход кампаніі з Беларусі не абмяркоўваецца».
Кампанія A1 атрымала ў Беларусі за мінулы год амаль 420 мільёнаў еўра выручкі. Гэта на 4,2 % больш, чым у 2020 годзе. Выручка ў беларускіх рублях вырасла на 12,4%, перавысіўшы 1,2 мільярда рублёў. Гэта рэкорд за апошнія некалькі год.
Луцкі: Лукашэнка даў даручэнне правесці ацэнку дзеянняў кампаніі A1 і прыняць самыя жорсткія меры
Сябар прэс-сакратара А1 Мікалая Брэдзелева на волі. Ці вызвалілі яго самога?
«Будзе спроба ўвесці ў менеджмент «сваіх людзей». Чым пагражае А1 заява Лукашэнкі пра «жорсткія меры»?
