Крыніца: DaLiu / depositphotos.com
Таксама для грамадзян Беларусі спыняецца прыём і апрацоўка заяў на доўгатэрміновае і сталае жыхарства ў Чэхіі.
Як заявіў міністр замежных спраў Ян Ліпаўскі, такое рашэнне з'яўляецца рэакцыяй на расійскае ўварванне ва Украіну, у якім, па словах кіраўніка чэшскай дыпламатыі, удзельнічае і Беларусь.
Але ёсць і выключэнне — «выпадкі гуманітарнага характару». І гэта пакідае надзею на тое, што ад новай чэшскай візавай палітыкі, якая, верагодна, можа быць падхопленая і іншымі краінамі, не будуць цярпець тыя беларусы, якія мусяць шукаць у вольным свеце абароны ад рэпрэсій рэжыму Лукашэнкі.
Акрамя таго, Ян Ліпаўскі таксама паведаміў, што Чэхія працуе над закрыццём генеральных консульстваў у Санкт-Пецярбургу і Екацярынбургу, што было ўхвалена ўрадам на мінулым тыдні.