Вайна ва Украіне. Чатырнаццаты дзень АНЛАЙН

8 сакавіка баявыя дзеянні працягваюцца па ўсіх ранейшых кірунках, расійскія войскі пакрыху прасоўваюцца, але пакуль што надта грандыёзных поспехаў у іх няма. Гуманітарныя калідоры ствараюцца, але дзейнічаюць з перашкодамі, бо расійскія войскі спрабуюць іх скарыстаць у сваіх мэтах. Працягваюцца абстрэлы і бамбаванні гарадоў. Украінскія ўлады дабіваюцца пашырэння міжнароднай дапамогі ў сферы ўзбраення, здаецца, самалёты з Польшчы такі выдзеляць. Сусветныя брэнды працягваюць сыходзіць з Расіі, даціснулі нават упартую Coca Cola. «Наша Ніва» сочыць за развіццём падзей.