Фота: БелТА / Reuters

Фота: БелТА / Reuters

— Маша піша лісты, з калоніі яны ідуць лепш, чым са следчага ізалятара, — кажа Аляксандр Калеснікаў, бацька Марыі. — А вось сябры і знаёмыя дачкі паведамляюць, што да іх карэспандэнцыя не даходзіць.

Каб цэнзура не забараніла і лісты да мяне, Маша ў асноўным піша пра нейкія нейтральныя рэчы — напрыклад, пра свае поспехі ў асваенні новай спецыяльнасці швачкі. Кажа, што ёй гэта падабаецца, ставіць перад сабой пэўныя задачы, каб рабіць больш, лепш і якасней.

Таксама дачка паведаміла, што пакуль ёй забаронена наведванне спартыўнай залы, таму яна стараецца рабіць размінку там, дзе гэта магчыма. Калі быў снег, то нават сама прасілася яго прыбіраць.

І вельмі мала часу застаецца на нейкія асабістыя справы, хаця ўсё роўна знаходзіць хвіліну-другую, каб і сябе дагледзець, і бялізну памыць, і вырашыць іншыя бытавыя пытанні.

З «калегамі» па няволі праблем не ўзнікае?

— Маша кажа, што там кантынгент у асноўным апалітычны, некаторыя наогул не ведаюць, што адбывалася ў 2020 годзе. Але дачка больш трымаецца сама па сабе, не шукае нейкіх кантактаў з іншымі зняволенымі. Тым больш што там, напэўна, усё кантралюецца адміністрацыяй установы.

— Раней агучавалася, што Марыя збіраецца ў калоніі паступаць у ВНУ на завочнае навучанне…

— Так, была інфармацыя, што калонія заключыла дамовы з дзвюма расійскімі ВНУ на атрыманне дадатковай вышэйшай адукацыі. Машу гэта вельмі зацікавіла, хаця навучанне — на платнай аснове.

Але пакуль з гэтым сітуацыя не да канца зразумелая. Здаецца, летам будзе працаваць прыёмная камісія, таму да гэтага часу Маша вызначыцца.

— На спатканне з дачкой разлічваеце?

— Разлічваю на доўгатэрміновае спатканне напрыканцы красавіка. 24 красавіка ў Машы дзень нараджэння, таму добра было б сустрэцца дзе-небудзь бліжэй да гэтай даты.

А цяпер дачка мне не толькі піша лісты, але і тэлефануе. Гэта дазволена, таму звязваецца па відэасувязі са мной ці з сястрой, проста размаўляе па тэлефоне. Некалькі разоў на месяц мы чуем голас адно аднаго, і гэта маральна вельмі падтрымлівае і мяне, і яе.

***

Марыю Калеснікаву затрымалі 7 верасня 2020 года. Праз год, 6 верасня 2021 года, Мінскі абласны суд прысудзіў яе да 11 гадоў пазбаўлення волі: ч. 1 арт. 357, ч. 3 арт. 361, ч. 1 арт. 361-1 Крымінальнага кодэкса — змова з мэтай захопу дзяржаўнай улады неканстытуцыйным шляхам, стварэнне экстрэмісцкага фармавання і кіраванне такім фарміраваннем, публічныя заклікі да захопу дзяржаўнай улады.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?