У Расіі забаранілі сайт тэлеканала «Белсат»
«Раскамнагляд» заблакаваў доступ да сайта тэлеканала «Белсат». Гэта вынікае з паведамлення ў рэестры на сайце ведамства. Рашэнне аб абмежаванні доступу да сайта вынесла Генпракуратура Расіі 30 сакавіка са спасылкай на артыкул 15.3 расійскага Федэральнага закона аб масавай інфармацыі.
У гэтым артыкуле гаворка ідзе пра абмежаванне доступу да сайтаў, «якія змяшчаюць інфармацыю з заклікамі да масавых беспарадкаў, ажыццяўлення экстрэмісцкай дзейнасці» а таксама распаўсюджваюць недакладную «грамадска значную інфармацыю».
Гэта не першы выпадак унясення ў спіс забароненых у Расіі СМІ з Беларусі. Раней у гэты спіс былі ўнесеныя «Наша Ніва» і «Зеркало».
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
