Жыхар Добрушскага раёна, выкарыстоўваў паяльную лямпу ў якасці ліхтарыка. Цяпер жыве без даху.
Як паведаміў прэс‑сакратар Гомельскага абласнога ўпраўлення МНС Руслан Габрылёў, узгаранне жылога дома ў вёсцы Насовічы адбылося вечарам 22 верасня. Дым убачылі суседзі і выклікалі ратавальнікаў. Пажар выехалі тушыць чатыры аўтацыстэрны. Узгаранне ўдалося лакалізаваць, але дом застаўся без даху.
Як высветлілася, 49‑гадовы гаспадар нешта шукаў у сенцах і свяціў сабе паяльнай лямпай.
Затым ён пайшоў спаць, а дом загарэўся. Мужчына пры пажары не пацярпеў.
0
0
0
0
0
0