Беларусь – Казахстан – 5:2 2

Зборная Беларусі выйграла першы матч на чэмпіянаце свету па хакеі, што праходзіць у Нямеччыне з 7 па 23 мая.

9 мая ў Кёльне падапечныя Эдуарда Занкаўца выйгралі ў Казахстана – 5:2 (0:0, 2:2, 3:0). Прычым у пачатку другога перыяда нашыя хакеісты саступалі 0:2.

Шайбы ў беларусаў закінулі Дзмітры Мялешка, Міхаіл Стэфановіч, Аляксей Калюжны, Руслан Салей ды Сяргей Дзямагін. Вароты бараніў Віталь Коваль.

Наступны матч зборная Беларусі правядзе 11 мая з Славакіяй (21:15),

13 мая – матч з Расіяй (17:15). Матчы ў жывым эфіры транслюе канал «Лад».

У наступны раунд выходзіць тры каманды з групы. Сёння ўвечары на канале «Лад» будзе паказаны ў жывым эфіры матч Расія - Славакія.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ