15 чэрвеня Савет рэспублікі нацыянальнага сходу даў згоду на прызначэнне прэзідэнтам трох новых членаў кіраўніцтва Нацыянальнага банка — Аляксандра Галава, Пятра Мамановіча і Тараса Надольнага.
Іх кандыдатуры рэкамендаваў парламентарыям старшыня кіраўніцтва Нацбанка Пётр Пракаповіч.
Аляксандр Галаў — начальнік Галоўнага ўпраўлення плацежнага балансу і банкаўскай статыстыкі Нацбанка. Раней працаваў намеснікам міністра фінансаў, у камерцыйных банках на розных пасадах, апошнія пяць гадоў — у Нацбанку.
Пётр Мамановіч — начальнік Галоўнага ўпраўлення манетарных аперацый Нацбанка. Быў выкладчыкам, доўгі час працаваў у «Беларусбанку», апошнія некалькі гадоў — у Нацбанку.
Тарас Надольны — начальнік Галоўнага ўпраўлення міжнародных аперацый Нацбанка. На працу ў Нацбанк прыйшоў у 1997 годзе пасля заканчэння ВНУ.
