Паводле габрэйскага календара сёння настаў 5771 год (ад стварэння свету).
У гэтыя дні, вучыць юдэйская традыцыя, Усявышні пастанаўляе, каму перажыць наступны год, а каму — не. З Рош Ашонэ (даслоўна «Галава году») пачынаюцца дзесяць дзён малітваў і раскаянняў, што носяць назву «Дні трымцення», ды якія працягнуцца да іншага вялікага свята — Суднага дня.
Найпершы сімвал Рош Ашонэ — шафар, барані рог ператвораны ў музычны інструмент. На стале ў габрэяў — разнастайныя стравы традыцыйнай кухні, але абавязкова — яблыкі і мёд, своеасаблівае пажаданне сабе і людзям прыемнага, салодкага году. Памачыўшы белы хлеб у мёд, за чаркай віна габрэі зычаць адзін аднаму «Добрага і ўрадлівага года!»
0
0
0
0
0
0
