У Мінску прайшоў першы сход прадстаўнікоў ініцыятыўнай групы Уладзіміра Някляева.
На ім прысутнічалі прадстаўнікі ўсіх рэгіянальных прадстаўніцтваў кампаніі «Гавары праўду!», якія і складуць аснову ініцыятыўнай групы кандыдата.

Ну раз у нас сёння ўрачыстасць, трэба апрануць пінжак! — вырашыў Някляеў.

Ну раз у нас сёння ўрачыстасць, трэба апрануць пінжак! — вырашыў Някляеў.

Андрэй Дзмітрыеў прэзентаваў асноўныя тэзы палітычнай праграмы Някляева.

Андрэй Дзмітрыеў прэзентаваў асноўныя тэзы палітычнай праграмы Някляева.

Не ўсе ахвотныя змаглі трапіць на сход праз абмежаваную колькасць месцаў.

Не ўсе ахвотныя змаглі трапіць на сход праз абмежаваную колькасць месцаў.

Сход адбыўся ў памяшканні офіса партыі БНФ. Як зазначыў сам Някляеў, «нічога іншага нам знайсці не ўдалося, таму дзякуем БНФ за гэту магчымасць». Памяшканне для першага сходу насамрэч было не зусім прыстасаванае — не ўсе ахвотныя змаглі трапіць на сход праз абмежаваную колькасць месцаў, а хто трапіў — адчувалі дыскамфорт праз перапоўненасць памяшкання. Яно, дарэчы, было багата аздобленае банэрамі «Гавары праўду!» і новымі кандыдацкімі, са шматлікімі выявамі Някляева.

Сход выклікаў цікавасць у журналістаў. Сярод прадстаўнікоў беларускіх незалежных СМІ выдзялялася здымачная група Першага канала расійскага тэлебачання.

Мерапрыемства распачаў сам кандыдат. «Сёння афіцыйны дзень. Ад пачатку існавання кампаніі „Гавары праўду!“ мы заяўлялі аб магчымасці ўдзелу ў выбарах, калі яны будуць абвешчаныя. Некалькі дзён таму абвясцілі дату правядзення выбараў, таму мы заяўляем сёння, што будзем браць у іх удзел», — паведаміў У.Някляеў на пачатку.

Лідар кампаніі «Гавары праўду!» таксама не прамінуў паўтарыць сваю ўпэўненасць у перамозе на выбарах, якую агучыў некалькі гадзін раней на прэс-канферэнцыі журналістам:

«Я не маю сумневу, што да выбараў мы дойдзем пераможцамі. Мы вырашылі не проста ўдзельнічаць у выбарах. Мы вырашылі перамагчы».

Някляеў таксама зазначыў, што яго штаб збярэ столькі подпісаў, колькі трэба. «На сёння ў нас у ініцыятыўнай групе 1300 чалавек. І мы пакуль не прыцягвалі новых людзей для ўдзелу ў выбарчай кампаніі. Я думаю, што ў нас будзе значна больш людзей», — паведаміў лідар «Гавары праўду!».

На сходзе, што прайшоў у Мінску, пачалося фармаванне будучых органаў каманды кандыдата і вызначэнне асноўных накірункаў дзейнасці на пачатковым этапе. 23 верасня плануецца падаць у Цэнтрвыбаркам спіс удзельнікаў ініцыятыўнай групы Уладзіміра Някляева.

Аб пачатку прэзідэнцкай кампаніі Някляева і яго перадвыбарчай праграме чытайце таксама тут і тут.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?