Сёння адбылася чарговая акцыя ў абарону касцёлу святога Язэпа і кляштара бернардзінцаў. Ля храму сабралася каля 25 чалавек.
Паводле сустаршыні БХД Паўла Севярынца, сённяшняя акцыя прайшла без затрыманняў. «Міліцыя ўсё фільмавала, але нікога не затрымлівала», — зазначыў палітык.
Атрымалася нават правесці канцэрт на прыступках касцёлу вядомай бардэсы Таццяны Беланогай. Заўтра на гэтым самым месцы выступ яшчэ адной выканаўцы аўтарскай песні Марыі Новікавай.
З 16 верасня акцыі ў абарону бажніцы праходзяць штодня.
