Статкевіч не будзе ўдзельнічаць у радыёдэбатах
У той дзень ён паедзе ў Берлін.
Кандыдат у прэзідэнты Мікола Статкевіч ня будзе асабіста ўдзельнічаць у радыёдэбатах, прызначаных на 5 снежня. У эфіры яго прадставіць хтосьці з давераных асобаў.
«Я вырашыў дазволіць сабе за час гэтай кампаніі адну замежную паездку ў Берлін. Там пройдуць сустрэчы з кіраўніцтвам нямецкіх сацыял-дэмакратаў, а таксама кіраўнікамі фракцыі сацыял-дэмакратаў у Еўрапарламенце. Мне хочацца выкласці еўрапейскім калегам сваё бачанне, сваю пазіцыю да таго, што адбываецца цяпер у Беларусі і ў беларуска-еўрапейскіх стасунках. Я лічу гэта надзвычай важным, і таму мушу ахвяраваць адным днём выбарчай кампаніі», — кажа Статкевіч.
Радыё «Свабода»
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
