Сідорскі падаў у адстаўку
У адпаведнасці з Канстытуцыяй, Савет міністраў 27 снежня прыняў пастанову аб складанні паўнамоцтваў перад ізноў абраным прэзыдэнтам Беларусі.
У адпаведнасці з часткай трэцяй артыкула 106 Канстытуцыі Рэспублікі Беларусь Савет міністраў Рэспублікі Беларусь 27 снежня 2010 г. прыняў пастанову аб складанні паўнамоцтваў перад «ізноў абраным прэзідэнтам Беларусі».
daylife.com
Як паведаміла прэс-служба прэзідэнта, кіраўнік дзяржавы прыняў адстаўку ўрада. Новы склад Савета міністраў будзе сфармаваны ў бліжэйшы час.
Нагадаем, на мінулых прэзідэнцкіх выбарах спецыяльнае пасяджэнне Савета міністраў, на якім было прынята рашэнне аб адстаўцы, адбылося 8 красавіка 2006 года, пасля цырымоніі афіцыйнага ўступлення на пасаду прэзідэнта Аляксандра Лукашэнкі.
Кандыдатура прэм’ер-міністра ўносіцца прэзідэнтам на зацвярджэнне парламента. Да фармавання новага ўрада прэм’ер і іншыя члены ўрада працягваюць выконваць свае абавязкі.
Марына Носава, БелаПАН.
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ