Нацыянальны банк Рэспублiкi Беларусь 4 студзеня 2011 г. уводзiць у абарачэнне срэбную памятную манету «Маё каханне» намiналам 20 рублёў, пробай сплаву 925, масай 28,28 г, дыяметрам 38,61 мм.
Манета мае форму круга. З пярэдняга i адваротнага бакоў — кант, якi выступае па акружнасцi. Бакавая паверхня манеты рыфлёная.
Аверс: уверсе ў цэнтры — рэльефны вiдарыс Дзяржаўнага герба Рэспублiкi Беларусь; уверсе па крузе надпiс: РЭСПУБЛIКА БЕЛАРУСЬ; у цэнтры манеты — стылiзаваная выява «Дрэва кахання» з кронай з сэрцаў, вакол якога на чатырох мовах (рускай, беларускай, англiйскай i польскай) надпiсы: МОЯ ЛЮБОВЬ, МАЁ КАХАННЕ, MY LOVE, MOJA MIŁOŚĆ; унiзе — намiнал 20 РУБЛЁЎ, злева ад яго — проба сплаву, справа — год чаканкi i фiрменны (таварны) знак Манетнага двара Польшчы.
Рэверс: у цэнтры — выява пары закаханых катоў у абрамленнi арнаментальных матываў тэматыкi манеты, уверсе — устаўка са штучнага цыркону ў форме сэрца.
Манета адчаканена на АТ «Манетны двор Польшчы» якасцю «пруф», тыражом да 15 000 штук.
Памятная манета, што ўводзiцца ў абарачэнне, з’яўляецца законным плацежным сродкам Рэспублiкi Беларусь, абавязковым да прыёму па намiнальным кошце пры ўсiх вiдах плацяжоў без усялякiх абмежаванняў.
