Адвакаты большасці вязняў КДБ з мінулага года не бачылі падабаронных

Пасля Новага года ніхто з адвакатаў экс-кандыдатаў у прэзідэнты, акрамя адваката Алеся Міхалевіча, яшчэ не сустракаўся са сваімі падабароннымі, якіх утрымліваюць у следчым ізалятары КДБ.

Андрэй Саннікаў, Мікалай Статкевіч і Уладзімір Някляеў апошні раз сустракаліся са сваімі адвакатамі летась.

Жонка Някляева Вольга кажа: «29-га снежня адвакат бачыўся. Сёння яна другая ў чарзе, але спаткання пакуль не даюць. Адзінае, што паведамлялася тыдзень ці колькі таму, што там лепшыя дзяжурныя дактары. Ну, гэта дзяжурны доктар, ёсць дзяжурны доктар».

Нагадаем, раней паведамлялася, што Статкевіч за кратамі абвесціў галадоўку, а ў Някляева здарыўся гіпертанічны крыз.

euroradio.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ