Сарказі: Кошт еўра да даляра пераацэнены 2

Кошт еўра ў дачыненні да амерыканскага даляра па-ранейшаму пераацэньваецца.

З такой заявай, перадае Agence France-Presse, выступіў прэзідэнт Францыі Нікаля Сарказі. Пры гэтым ён падкрэсліў, што раней сітуацыя была яшчэ горшай.

Сарказі адзначыў, што цяпер еўра каштуе 1,29 — 1,3 даляра. Паводле словаў прэзідэнта Францыі, гэта ўсё адно зашмат. «Я выдатна ведаю, што падвышэнне еўра на 0,1 даляра абыходзіцца кампаніі ў мільярд еўра», — сказаў Сарказі працоўным французскага завода Airbus.

Пры гэтым Сарказі адзначыў, што Еўропе неабходна захаваць еўразону і сваю адзіную валюту, таму што з развалам еўразоны разваліцца ўся Еўропа.

13 студзеня еўра таргуецца вышэй за 1,31 даляра.

afn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ