Каля 70 тысяч чалавек удзельнічалі сёння ў цэнтры Белграду ў найбуйнейшым за апошнія гады мітынгу апазіцыі. Акцыя была арганізаваная Сербскай прагрэсіўнай партыяй.
Маніфестанты патрабавалі правядзення датэрміновых парламенцкіх выбараў, эфектыўнай барацьбы з карупцыяй і галечай.
Лідэр партыі Таміслаў Ніколіч заявіў, калі ўрад не пагодзіцца правесці выбары, ягоныя прыхільнікі ў красавіку пачнуць серыю масавых акцыяў пратэсту.
Празаходняя кіроўная кааліцыя абвінаваціла апазіцыю ў імкненні выкарыстаць эканамічныя праблемы ў палітычных мэтах.
