Народы свету павінны самі вырашаць, якой улады яны сабе жадаюць. З такой заявай выступіла сёння прэзідэнтка Літвы Даля Грыбаўскайце на Міжнароднай канферэнцыі па пытаннях бяспекі ў Мюнхене.
Захад можа «дапамагчы саспець любому народу», але не можа дыктаваць яму, якую сістэму ды якую ўладу ён павінен абіраць. «Гэта тычыцца і Егіпта, і Беларусі», — падсумавала кіраўніца Літвы.
Кіраўнік Мюнхенскай канферэнцыі Вольфганг Ішынгер падараваў ёй пры канцы сесіі вялікі букет кветак, «на знак удзячнасці за смелую прамову», — паведамляе агенцтва Delfi.
Дарэчы, запрашэнне на канферэнцыю міністру замежных спраў Беларусі Сяргею Мартынаву было адкліканае.
