На нарадзе па пытанні рэфармавання МУС 15 лістапада Аляксандр Лукашэнка «выказаў немалую долю крытыкі ў адрас гарадскіх улад і міліцыі, нагадаўшы пра нядаўнюю трагедыю каля адной са школ», паведаміла прэс-служба.

Нагадаем, вечарам 12 лістапада каля школы № 23 у Мінску на вуліцы Пімена Панчанкі пад коламі «Паршэ-Каен» загінуў дзевяцігадовы школьнік.

«Нядаўна СМІ перадалі: задушылі дзевяцігадовага хлапчука. Выходзіць дырэктар школы і гаворыць: мы звярталіся ў ДАІ, патрабавалі, прасілі, але яны не прынялі мер. Значыць, трэба цвёрда разабрацца з ДАІ.

Ужо занадта часта я чую нараканні, асабліва ў адрас гарадской ДАІ», — сказаў Лукашэнка.

«Па-другое, вы пабудавалі новую школу. Чаму вы не абгарадзілі гэту пляцоўку і ўсю школьную тэрыторыю плотам? Значыць, вы (гарадскія ўлады) вінаватыя, — прадоўжыў прэзідэнт, звяртаючыся да кіраўніка Мінска Мікалая Ладуцькі. — Далей, што гэта за пазіцыя школьнага калектыву: мы звярнуліся ў ДАІ.

Мы, бацькі, перадалі вам дзяцей, якія прыйшлі ў школу, і вы галавой за гэта адказваеце. У нас сёння настаўнік прыйшоў, як да станка, чатыры гадзіны адбыў і пайшоў.
Усё роўна, якія дзеці. У сем’і яны даўно не ходзяць. Што гэта за пазіцыя такая?»

«І бацькі вінаватыя. Занялі ўсю пляцоўку ўласнымі аўтамабілямі», — дадаў Лукашэнка.

«Таму займіцеся кожны сваёй справай. Гэта сёння галоўнае», — запатрабаваў ён.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?