Biełaruskaja bijatłanistka Nadzieja Skardzina zaniała 3-je miesca ŭ sprynterskaj honcy na trecim etapie Kubka śvietu pa bijatłonie,
jaki prachodzić u słavienskaj Paklucy. Na dystancyi 7,5 km z dvuma ahniavymi rubiažami Nadzieja Skardzina nie dapuściła nivodnaha promachu i pakazała vynik 22 chv. 39,9 siek., adstaŭšy na 30,1 siek. ad pieramožcy Habryeły Saŭkałavaj z Čechii (biez promachaŭ). Druhoje miesca zaniała Miryjam Hiośnier z Hiermanii (2 promachi; 2,1 siek.).
Dla Nadziei Skardzina hety vystup staŭ najlepšym u karjery na etapach Kubka śvietu. Raniej jana adnojčy była na 4-m miescy ŭ indyvidualnaj honcy čempijanatu śvietu-2011 u rasijskim Chanty-Mansijsku.

Ački ŭ zalik Kubka śvietu, trapiŭšy ŭ lik 40 najlepšych, zarabiła jašče adna biełaruskaja spartsmienka — Nadzieja Pisarava (1 promach; 1 chv.11, 4 siek.), Jakaja zaniała 21-je miesca (taksama najlepšy vynik u karjery).

Lidar biełaruskaj kamandy Darja Domračava nie vyjšła na start z-za prastudy.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?