Pra heta paviedamiŭ staršynia arhkamiteta pa stvareńni hramadskaj arhanizacyi «Jeŭrapiejskaja pierśpiektyva» Viktar Jančurevič.

Pavodle jaho słoŭ, 15 śniežnia «Jeŭrapiejskaja pierśpiektyva» praviała schod žycharoŭ vulic Siadych i Kalinoŭskaha, u jakim uziali ŭdzieł bolš jak 60 čałaviek. Hałoŭnaje pytańnie: jak zaścierahčy ŭnutrydvaravuju zialonuju zonu ad čarhovaha ŭščylnieńnia 16-paviarchovym domam, prajekt jakoha vystaŭleny na hramadskaje abmierkavańnie ŭ administracyi Pieršamajskaha rajona.

«Hramadzianie ličać, što ich panelnyja piacipaviarchoŭki, pabudavanyja ŭ 60-ch hadach, mohuć nie vytrymać nahruzak ad pracy budaŭničaj techniki i razvalacca, novy dom pahoršyć prablemu z parkoŭkami i prajezdam pa dvarach, źniščeńnie zialonaj zony pahoršyć ekałahičnaje stanovišča», — adznačyŭ Jančurevič.

Na schodzie žycharoŭ jon prapanavaŭ pačać zbor podpisaŭ pad kalektyŭnym zvarotam suprać uščylnieńnia kvartała i vysiečki zialonaj zony i nakiravać jaho ŭ adździeł architektury Pieršamajskaha rajona dla ŭliku pry padviadzieńni vynikaŭ hramadskaha abmierkavańnia, a taksama ŭ Minharvykankam i Administracyju prezidenta dla infarmavańnia ab pazicyi žycharoŭ.

Pryznačany adkaznyja za zbor podpisaŭ, vyrašana sfarmiravać hrupu hramadzian dla pieradačy podpisaŭ u dziaržorhany.

«Žychary nastrojeny rašuča, hatovyja źviartacca i patrabavać admieny prajekta navat u Administracyi prezidenta», — skazaŭ aktyvist.

Pavodle słoŭ Jančureviča, «heta nie pieršaja sproba źniščyć zialonuju zonu pad budaŭnictva». «Dva hady tamu ŭžo była padobnaja situacyja. I hramadzianie ŭžo tady vykazali svajo staŭleńnie: jany chočuć zachavać svoj skvier. Navošta ž stvarać kanflikt? Navošta davodzić situacyju da sacyjalnaj napružańnia? Budziem zmahacca, kab hetaje hramadskaje abmierkavańnie dla miascovych žycharoŭ było stanoŭčym i stała apošnim», — skazaŭ hramadski aktyvist.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?