U asiarodździ biełaruskich zapadnarusaŭ praciahvajecca abmierkavańnie postaci Kastusia Kalinoŭskaha i padziej 1863 hoda. Na hety raz viadomy palitołah, kałumnist «Sovietskoj Biełoruśsii» Usievaład Šymaŭ vykazaŭsia na prarasijskim sajcie imperia.by.

«Kalinoŭski byŭ palakam da mozhu kaściej i bačyŭ biełaruskija ziemli jak nieadjemnuju častku «vialikaj» Polščy.
Toje, što jaho zakliki da sialan byli składzienyja na biełaruskaj movie, nie pavinna ŭvodzić u zman, — skazaŭ Šymaŭ. — Kalinoŭski i jaho adnadumcy, jak i ŭsio polskaje hramadstva taho času, ličyli hetuju movu prastanarodnaj rehijanalnaj viersijaj polskaha. Paŭstancy vykarystoŭvali hetuju «narodnuju» movu tolki z metaj zrabić svaje idei bolš dastupnymi.
Prychilniki Kalinoŭskaha, pa ŭsioj bačnaści, nie čytali ni «Mužyckaj praŭdy», ni «Listoŭ z-pad šybienicy «, absalutna prasiaknutych polskim ducham».

Aŭtar pierakanany, što biełaruskija nacyjanalisty nie mohuć naležnym čynam praanalizavać «Mužyckuju praŭdu» Kalinoŭskaha, inakš by jany pahadzilisia z vysnovami samoha Šymava.

«Davoli dziŭna ušanoŭvać Kalinoŭskaha ŭ krainie, dzie bolšaść viernikaŭ źjaŭlajucca prychadžanami Ruskaj pravasłaŭnaj carkvy. Nianaviść da pravasłaŭja prasiaknuty ŭsie zakliki „Kastusia“, a teror suprać pravasłaŭnych śviataroŭ byŭ admietnaj asablivaściu paŭstańnia na biełaruskich ziemlach», — padkreśliŭ Usievaład Šymaŭ.

Jon stavić u dakor «pasiŭnuju pazicyju» Biełaruskaj pravasłaŭnaj carkvy. Šymaŭ kaža, što nie zaklikaje «anafiemstvavać» Kalinoŭskaha, ale «zajavić ab niedapuščalnaści hieraizacyi padobnaha piersanaža ŭ pieravažna pravasłaŭnaj krainie, pa-mojmu, varta było b».
U svaich prapanovach Šymaŭ dajšoŭ zaklikaŭ pravodzić «pamiatnyja mierapryjemstvy pa achviarach teroru polskich paŭstancaŭ».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?