U internecie šyroka abmiarkoŭvajecca kardynalnaja źmiena kantentu telekanała TV-3, jaki zamiest taho, kab tranślavać rasiejskuju prahramu pieradač, jak heta było raniej, pačaŭ davać u efir zusim inšyja prahramy i filmy.

Da taho ž TV-3 troški źmianiŭ łahatyp.

Ździŭlenym hledačam na sajcie rasiejskaha kanała rastłumačyli: «Z 1 studzienia TV3 na terytoryi Biełarusi niama. Toje, što vy bačycie ŭ efiry, heta miascovy kanał. Da nas jon dačynieńnia nie maje».

«My tranślujem nie rasiejski, a biełaruski telekanał, — paćvierdzili „NN“ u adździele markietynha MTIS. — I raniej nie ŭsie pieradačy, jakija išli ŭ rasiejskaj viersii, traplali ŭ biełaruskuju. Heta adbyvałasia praz toje, što nie ŭsie pravy na telepieradačy byli ačyščanyja dla Biełarusi. Ale z 21 studzienia kanał TV-3 dasłaŭ nam papieru pra źmienu ŭ viaščańni».

Načalnik adździełu prodažaŭ telekanała TV-3 Taćciana, dakładniej, jahonaj biełaruskaj redakcyi tłumačyć, što źmiena farmatu robicca dla palapšeńnia jakaści kantentu.

«Z rasiejskaj viersii my budziem brać tolki niekatoryja dakumientalnyja stužki, —
tłumačyć spadarynia Taćciana. — My źbirajemsia pierajści całkam na biełaruski kantent. Peŭny čas my budziem pakazvać rasiejskija pieradačy, ale ich budzie mieniej — u asnoŭnym heta dakumientalistyka».

Kali kanał pierachodzić całkam na biełaruski kantent, ci nie varta čakać na im źjaŭleńnia biełaruskamoŭnych filmaŭ i pieradač?

«Na žal, biełaruskamoŭnych prahram u nas nie budzie, — kaža spadarynia Taćciana. —

Pad biełaruskim kantentam my majem na ŭvazie nie toj, jaki stvorany ŭ Biełarusi, a toj jaki zakuplaje biełaruski bok. To bok, my budziem kuplać pieradačy VVS, a taksama niekatoryja rasijskija sieryjały».

Kanał TV-3 byŭ sfakusavany na filmach, heta jahonaja rysa zastaniecca niaźmiennaj — naadvarot, źjavilisia kiraŭnictva kanała źbirajecca ŭvieści šerah novych prajektaŭ, jakija buduć demanstravać kłasiku suśvietnaha kino.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?