Sudździa Savieckaha rajona stalicy Dźmitryj Paŭlučenka pryznaŭ aktyvistku hramadzianskaj kampanii «Jeŭrapiejskaja Biełaruś» Valancinu Ciuravu vinavataj u praviadzieńni niesankcyjanavanaha pikieta 8 sakavika ŭ Minsku i pryhavaryŭ da troch sutak aryštu.

Valancina Ciurava była zatrymanaja milicyjaj 8 sakavika na Kamaroŭskim rynku Minska i źmieščana ŭ Centr izalacyi pravaparušalnikaŭ na vulicy Akreścina. U Dzień žančyn, jaki ŭ Biełarusi źjaŭlajecca dziaržaŭnym śviatam, aktyvistka stajała z płakatam: «Dzie majo śviata? Dzie maja svaboda?».

Pakolki troje sutak da suda Ciurava praviała ŭ Centry izalacyi pravaparušalnikaŭ, pryznačanaje pakarańnie pryznanaje pahašanym, a samu aktyvistku paśla sudovaha pasiadžeńnia vyzvalili,

paviedamiła pravaabaronca Anastasija Łojka.

Sud pryznaŭ aktyvistku vinavataj u parušeńni častki 1 artykuła 23.34 KoAP Biełarusi (parušeńnie ŭstanoŭlenaha paradku praviadzieńnia schodu, mitynhu, vuličnaha šeścia, demanstracyi, pikietavańnia i h.d.).

Adzinaj tendencyi pa padobnych pakarańniach u Biełarusi niama, jany ŭvieś čas źmianiajucca, — adznačyła Łojka. — Składana pradbačyć, čym skončycca toj ci inšy sud.
U hetym vypadku liču, što troje sutak — heta žorstki prysud dla dziaŭčyny».

Pavodle jaje słoŭ, pravaabaroncy rajać abskardzić padobnyja rašeńni. Niahledziačy na toje što praktyka na siońniašni dzień pakazvaje, što paŭtornyja rašeńni suda prymajucca nie na karyść ludziej, jakija pravodziać padobnyja akcyi, jość vierahodnaść, što «ŭ budučyni praktyka źmienicca». Pravaabaronca adznačyła, što ŭ zakanadaŭčaj i sudovaj praktycy susiednich krain, naprykład Rasii, anałahičnaja situacyja nie traktavałasia b jak niesankcyjanavany pikiet.

Pra heta ž u sudzie, pavodle słoŭ Łojki, havaryła i sama Ciurava. Svajoj viny ŭ dziejańniach, jakija joj inkryminujucca, aktyvistka nie pryznała, pakolki paličyła akcyju nie niesankcyjanavanym pikietam, a «vykazvańniem svajho mierkavańnia».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?