10 krasavika 2013 na sajcie multymiedyja-časopisa 34mag.net adbyłasia prezientacyja novaha alboma «Fobas» hurta «Pietla Pristrastija».

Doŭhačakanaja i samaja dakładnaja płytka ŭzoru Biełaruś-2013 — novy albom «Fobos» ad hurta «Pietla Pristrastija» — pra toje, što nas užo napatkała i naŭrad ci kaliści adpuścić.

Pierad taboj unikalny materyjał, u jakim hitoŭ bolš, čym piesień. Hetaja pryhožaja i mahičnaja asablivaść «Pietli Pristrastija» ŭ poŭnaj miery dała pra siabie viedać u treciaj studyjnaj pracy kalektyvu. Albom-fejschahier, kišenny Frejd, jaki byccam by analizuje «siońnia», ale čamuści ŭ budučym i prošłym časie razam, žachliva śpieły i sucelny letapis pa matyvach žyćcia składanaha arhanizma ŭ maštabach adnakletačnaha kosmasu.

Prasłuchoŭvajučy albom, možna raspłyścisia va ŭśmiešcy ad biezvychodnaści. «Fobos» — heta moŭšn-kapča ŭ muzycy — vielmi dakładny zachop aktualnych dumak, ruchaŭ, prablemaŭ i adcieńniaŭ pačućciaŭ toj masy, jakuju zvyčajna nazyvajuć pakaleńniem. Pryjemnaja ajčynnaja inavacyja.

Prezientacyja alboma adbudziecca19 krasavika 2013 hoda ŭ kłubie Re: public. Padrabiaznaści čytajcie pa hetaj spasyłcy.

Spampavać možna tut.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?