Biełaruś z 16 lipienia zabaraniła pastaŭki śvininy z Maskoŭskaj i Vałhahradskaj abłaściej Rasii ŭ suviazi z raspaŭsiudžvańniem tam afrykanskaj čumy śviniej. Akramia taho, jak paviedamlajecca na sajcie departamienta vieterynarnaha i charčovaha nahladu Minsielhascharča, časova abmiažoŭvajucca pastaŭki śvininy ź Biełharadskaj vobłaści.

«Departamient vieterynarnaha i charčovaha nahladu infarmuje pra nieabchodnaść pryniaćcia mier pa niedapuščeńni ŭvozu na terytoryju Biełarusi z Maskoŭskaj i Vałhahradskaj abłaściej žyvych śviniej, śvininy, u tym liku miasa dzikoŭ, praduktaŭ pierapracoŭki, harbarnaj, rohakapytnaj i kišačnaj syraviny, ščacińnia, palaŭničych trafiejaŭ, atrymanych ad usprymalnych vidaŭ žyvioł, karmoŭ, vyrablenych z syraviny pachodžańnia z hetych rehijonaŭ», — havorycca ŭ adpaviednym ukazańni.

Zabarona taksama raspaŭsiudžvajecca na byłoje va ŭžyvańni abstalavańnie dla ŭtrymańnia, zarezu i raźbirańnia śviniej.

Pavodle infarmacyi Raśsielhasnahlada, novyja ačahi afrykanskaj čumy śviniej byli vyjaŭlenyja na terytoryi Biełharadskaj, Vałhahradskaj i Maskoŭskaj abłaściej.

Pry hetym adznačajecca, što ŭ Biełharadskaj vobłaści skancentravana kala 20% usiaho pahałoŭja śviniej krainy.

Jak paviedamlałasia raniej, u Biełarusi ačahi AČS byli vyjaŭlenyja ŭ Iŭjeŭskim rajonie Hrodzienskaj vobłaści i ŭ Viciebskim rajonie.

Biełaruski dziaržaŭny vieterynarny centr abviaściŭ, što vyjaviŭ pryčynu zachvorvańnia śviniej u zaražanym kambikormie, pastaŭlenym pradprymalnikam z-za miažy Biełarusi i paśla realizavanym nasielnictvu prylehłych rajonaŭ.

U Biełarusi stvorany respublikanski štab pa baraćbie z AČS na čale z vice-premjeram Michaiłam Rusym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?