My ŭsie ich viedajem, hetyja praviły hulni dla novych adnosin. Viedajem, ale nie karystajemsia. Bo, pa-pieršaje, vy chočacie vyhladać u vačach adno adnaho jak maha lepš, pryhažej i bolš pryvabnymi. Vy ŭžo žyviacie razam? Pryznavajsia, ustaješ admysłova, a 6-j ranicy, kab vymyć hałavu i nafarbavacca da taho, jak jon pračniecca?

Jajek ni škada, rucina zabivaje ŭsio, navat samyja lepšyja i mocnyja namiery. Asabliva, kali vy źjazdžajeciesia. Tamu, kab jana nie padparadkavała sabie vašy adnosiny, važna ŭžyć niekatoryja, tak by mović, miery zaściarohi:

1. Znajdzicie čas adzin dla adnaho.

Heta moža być adzin dzień u tydzień. Adklučajcie telefony i łeptopy, začyniajcie poštu, skajp i sacsietki, siadajcie i pahavarycie! Abo pryhatujcie razam viačeru. Ci schadzicie na prahułku. Abo na rovarach pakatajciesia. Uvohule, usio, što zaŭhodna, tolki być razam i abmieńvacca enierhijaj, heta vielmi važna.

2. Nie «dušycie» adzin adnaho.

Punkt pieršy ni ŭ jakim vypadku nie maje na ŭvazie «dušyć» kachanaha čałavieka svajoj prysutnaściu. Niachaj u kožnaha z vas budzie ŭłasnaja prastora. Rybałka raz u miesiac ci tvoj dzień u SPA-sałonie. Mienavita svaboda ŭ adnosinach aznačaje ŭzajemny davier i pavahu.

3. Nie kažycie pra budučyniu, pakul nie pryjšoŭ čas pahavaryć pra jaje.

Inšymi słovami — nie prydumlajcie imiony vašym budučym dzieciam, kolkaść pakojaŭ u domie i rybak ŭ vašym akvaryumie ŭ hetym samym domie. Nie pryśpiešvajcie padziei, na ŭsio svoj čas. I kali jon — hety tvoj adziny, pahłybleńnie adnosin nie prymusić siabie čakać.

4. Pasiabruj ź jaho siabrami…

Kali ty adčuvaješ siabie kamfortna ŭ ich kampanii — čamu nie? Kali ty šmat značyš dla jaho, chutčej za ŭsio, jamu budzie pryjemna, što jaho siabry i kachanaja dobra pravodziać čas razam.

5. … Ale nie zabyvaj pra svaich ułasnych.

Pamiataješ, što my raniej kazali pra asabistuju prastoru? Navat kali tabie zdajecca, što zaraz jość jon i prastora tabie ŭžo nie treba, znajdzi čas sustrecca ź siabroŭkami na kavu. Pabačyš, ty vydatna praviadzieš čas, a jon tolki macniej zasumuje pa tabie za hety čas!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?