Piotr Aficeraŭ asudžany na 4 hady, u jaho, darečy, piaciora dziaciej.

Piotr Aficeraŭ asudžany na 4 hady, u jaho, darečy, piaciora dziaciej.

U Leninskim rajonnym sudzie rasijskaha Kirava siońnia adbyłosia abviaščeńnie prysudu lidaru rasijskaj apazicyi Alaksieju Navalnamu.

Pa dadzienych śledstva, Navalny, źjaŭlajučysia daradcam hubiernatara Kiraŭskaj vobłaści, arhanizavaŭ kradziež majomaści Kiraŭskaha abłasnoha dziaržaŭnaha unitarnaha pradpryjemstva «Kiraŭles», ustupiŭšy ŭ zmovu z dyrektaram TAA «Viackaja Lasnaja kampanija» Piatrom Aficeravym i hienieralnym dyrektaram «Kiraŭles» Viačasłavam Opalevym. Pa dadzienych śledstva, biudžetu Kiraŭskaj vobłaści ŭ vyniku kradziažu 10 tysiač kubamietraŭ lesu była naniesiena škoda na 16 młn rasijskich rubloŭ (500 tys. dalaraŭ).

U chodzie słuchańniaŭ prakuror paprasiŭ prysudzić apazicyjaniera da šaści hadoŭ pazbaŭleńnia voli ŭ kałonii ahulnaha režymu.

Sudździa Siarhiej Blinoŭ prysudziŭ da 5 hadoŭ źniavoleńnia, Piatra Aficerava da čatyroch.

Abciažarvajučych abstavin u abodvuch padsudnych niama. Ale bolš miakkaha pakarańnia, čym pazbaŭleńnie voli, jany nie zasłuhoŭvajuć, skazaŭ sudździa.

«Navalny źjaŭlajecca arhanizataram złačynstva. Aficeraŭ — pamahaty», kaža sudździa Blinoŭ.

Paśla abviaščeńnia prysudu Navalnaha i Aficerava adrazu ŭziali pad vartu. Jany raźvitalisia z rodnymi.

Zatym na Navalnaha adzieli kajdanki i vyvieli.

Navalny paśpieŭ napisać u Twitter:

«Dobra. Vy tut nie sumujcie bieź mianie. A hałoŭnaje - nie hultajničajcie, žaba sama siabie z naftavaj truby nie skinie».

***

Na dumku rasijskich pravaabaroncaŭ, pieraśled Navalnaha — palityčna matyvavany. Alaksiej Navalny — juryst. Jon atrymaŭ viadomaść šeraham siensacyjnych vykryćciaŭ karupcyi ŭ atačeńni Uładzimira Pucina i partyja «Adzinaja Rasija». Navalny staŭ tvaram masavych pratestaŭ u Maskvie ŭ 2011—2012 hh.

U adroźnieńnie ad Chadarkoŭskaha Navalny vyhladaje čysta palityčnym viaźniem.

Učora Navalny byŭ zarehistravany kandydatam u mery Maskvy.

Prysud zabaraniaje jamu ŭdzieł u lubych vybarach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?