Li Charvi Osvald z Marynaj i dačkoj u Minsku.

Li Charvi Osvald z Marynaj i dačkoj u Minsku.

Maryna Osvald Porter (Prusakova) adpraviła ŭ aŭkcyjonny dom Ńju Hiempšyra zaručalny piarścionak, jaki jaje muž Li Charvi Osvald nabyŭ u Minsku ŭ 1961 hodzie.

Mienavita hety piarścionak Osvald pakinuŭ u kubku na jaje načnym stoliku, kali 22 listapada 1963 hoda vypraviŭsia na zabojstva prezidenta Kieniedzi, paviedamlaje Dallas News.

Aŭkcyjon adbudziecca 24 kastryčnika ŭ Bostanie. Miarkujecca, što piarścionak budzie kaštavać ad 30 da 50 tysiač dalaraŭ.

«Heta adzinaja reč Li, jakuju mnie viarnuli, — piša Maryna ŭ supravadžalnym liście da aŭkcyjona, — i heta ciahnułasia amal paŭstahodździa. Ja ŭžo šmat hadoŭ zamužam za inšym čałaviekam, vyhadavała dziaciej i błasłavionaja ŭnukami. Usie hetyja hady ja nie chacieła mieć piarścionak Li, bo chaču simvalična raźvitacca ź minułym, jakoje łučyć mianie z dniom 22 listapada 1963 hoda».

Marynie Prusakovaj ciapier 72 hady.

Li Charvi Osvald, adziny aficyjny padazravany ŭ zabojstvie prezidenta Džona Kieniedzi, žyŭ u Minsku na Kamunistyčnaj vulicy z 1959 da 1962 hoda. Pracavaŭ na radyjotechničnym zavodzie «Haryzont».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?