Jak paviedamiła pradstaŭnik Śledčaha kamiteta Julija Hančarova, cieła Taćciany Słonimskaj znajšli 18 lipienia ŭ lesie kala vioski Dvarec pad Minskam. Na ciele byli nažavyja ranieńni. Rodnyja siońnia praviali apaznańnie.

Sumiesna z supracoŭnikami MUS adbyłosia i zatrymańnie padazravanych u zabojstvie. Heta žychary Minska va ŭzroście 20-25 hadoŭ.

Ich kolkaść pakul nie ŭdakładniajecca. Jašče padčas pošukaŭ śledčyja atrymali dadzienyja, na asnovie jakich vysunuli viersiju pra zabojstva.

Zatrymanych dapytali. Papiarednie možna kazać, što zabili žančynu z metaj kradziažu. A kab schavać ślady zabojstva, trup zakapali.

Aŭtamabil «Mazda» jany paśpieli praź internet pradać u Rasiju.

Pa słovach Hančarovaj, śledčyja ŭžo viedajuć, dzie dakładna mašyna znachodzicca.

Taćciana Słonimskaja 3 lipienia kala 13:30 na svaim aŭtamabili pajechała ŭ jahady i źnikła. Jaje partretami abklejeny ŭvieś Minsk. Šukali žančynu i vałanciory, i milicyja. Dzieci źnikłaj navat prapanoŭvali hrošy za lubuju infarmacyju pra mamu.

Kryminalnuju spravu zaviali za zabojstva z karyślivych mierkavańniaŭ. Hety artykuł praduhledžvaje pakarańnie ŭ vyhladzie pazbaŭleńnia voli ad vaśmi hadoŭ da pažyćciovaha albo śmiarotnaje pakarańnie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?