27-hadovamudoktaru-traŭmatołahu filijała № 8 Homielskaj haradskoj palikliniki Siarhieju Małašenku, jaki zaraziŭsia na pracy hiepatytam S, sabrali nieabchodnuju sumu na lačeńnie.

Pra heta Siarhiej paviedamiŭ na svaim sajcie. Z 6 žniŭnia pa 9 žniŭnia praź viebmani, EasyPay, achviaravańni na mabilny telefon, sistemu Qiwi, jandeks-hrošy, paštovyja pieravody, kartačku Biełarusbank, dabraachvotnyja rachunki i achviaravańni było sabrana 9 987 dalaraŭ. Nieabchodnuju reštu ŭ niekalki tysiač dalaraŭ dadaść pravasłaŭnaja abščyna ŭ Homieli.

Siarhiej Małašenka z hetaj nahody źviarnuŭsia z padziakaj na svaim sajcie da nieabyjakavych, zaznačyŭšy zbor srodkaŭ skončany:

«Dziakujučy vam nieabchodnuju sumu ŭdałosia sabrać! Chaču ščyra padziakavać usim za dapamohu i vašu padtrymku!

Usim nieznajomym ludziam, jakija nie prajšli mima. Za finansavuju dapamohu i za ŭsie vašyja ciopłyja i dobryja słovy ŭ kamientarach, listach i telefanavańniach.
Maim siabram i znajomym, dla jakich było nieabyjakava, što sa mnoj adbyvajecca. Svaim kaleham i administracyju majoj palikliniki za apieratyŭnuju dapamohu, salidarnaść i razumieńnie. Miedpiersanał infiekcyjnaj balnicy za prafiesijanalizm i čułyja adnosiny. Natalli Žurbinoj za nieacennuju dapamohu ŭ zbory srodkaŭ. Maim pacyjentam za toje, što padtrymali ŭ ciažkuju chvilinu i za ich ščyraje žadańnie dapamahčy. Chłopcam i dziaŭčatam z pravasłaŭnaj abščyny i maim samym blizkim ludziam, jakija ŭvieś hety čas byli pobač, padtrymlivali, dapamahali i praciahvajuć heta rabić da hetaha času.

Sajt budzie praciahvać pracu. U dziońniku budzie vykładvacca infarmacyja ab chodzie lačeńnia, a ŭ raździele z dakumientami čeki z apteki na kuplu lekaŭ».

Infarmacyja pra zaražeńnie Siarhieja Małašenki hiepatytam źjaviłasia ŭ pačatku žniŭnia. Siarhiej stvaryŭ sajt, dzie apisaŭ svaju prablemu:
    «Mnie terminova nieabchodna darahoje lačeńnie ad hiepatytu S, pisaŭ jon, jakim ja zaraziŭsia ŭ paliklinicy, vykonvajučy svaju pracu. Płanujučy z žonkaj ciažarnaść, my vyrašyli z prafiłaktyčnaj metaj zdać asnoŭnyja analizy ŭ krasaviku 2013 hoda. U mianie akazalisia mocna pavyšanyja piačonačnyja fiermienty, u 30 razoŭ vyšejšyja za normu. … U vyniku akazałasia, što ŭ mianie chraničny hiepatyt S. (…) Budučy doktaram, uvachodžu ŭ hrupu ryzyki pa hiepatytu S, tamu pieryjadyčna nam robiać analiz na markiery hiepatytaŭ. Apošni raz u śniežni 2011 hoda hety analiz byŭ admoŭnym. Heta značyć infikavany ja prykładna na praciahu apošniaha hoda, paśla pačatku pracy ŭ paliklinicy. Hety virus pieradajecca tolki praz kantakt z kryvioju.
    Jakich-niebudź miedycynskich umiašańniaŭ, naviedvańniaŭ zubnoha, pieralivańniaŭ kryvi za hety čas u mianie nie było. U mianie niama tatuirovak, ja nie ŭžyvaju narkotyki. Heta značyć, vyklučany lubyja sposaby zaražeńnia akramia jak padčas svajoj prafiesijnaj dziejnaści, bo ŭ pracesie raboty pastajanna davodzicca mieć kantakt z kryvioju, naprykład, padčas apracoŭki i ŭšyvańnia ran, vydaleńnia śpic z kostak i inš».
    Zatrymlivać lačeńnie vielmi niebiaśpiečna, bo heta zapaleńnie ŭ piečani pryvodzić da raźvićcia fibrozu, cyrozu i raku piečani.
    Adzina mahčymaje lačeńnie pry majoj formie zachvorvańnia i vidzie virusa, jakoje daje nadzieju pazbavicca ad virusa, źjaŭlajecca kambinavanaja terapija piehieliravanymi interfieronami i rybavirynam na praciahu 1 hoda. Košt preparataŭ na 4 tydni na 9 červienia składaje kala 10.700.000 rub. (kala $ 1230). Poŭny kurs abyjdziecca ŭ 14760 dalaraŭ….
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?