Rasija z daŭnich časoŭ spadziajecca na svaje vielizarnyja zapasy nafty i hazu i nie tolki dla zabieśpiačeńnia siabie ciapłom i elektraenierhijaj, ale i dla zabieśpiačeńnia ŭrada finansami. Ale, budučy bahataj na pryrodnyja resursy krainaj, jana taksama prademanstravała niečuvanuju zdolnaść prapuścić usie novyja tendencyi, što farmujuć enierhietyčny łandšaft, jaki ciapier mianiajecca chutčej, čym kali-niebudź. Hetaje śćvierdžańnie najbolš spraviadliva ŭ dačynieńni da pryniaćcia i razumieńnia padziej apošniaj słancavaj revalucyi, jakoj rasijcy admaŭlali va ŭvazie i jakuju staralisia ihnaravać. Ciapier, jak paviedamlaje Financial Times, Maskva narešcie pačynaje ŭśviedamlać nastup novaha suśvietnaha enierhietyčnaha paradku.

Ilvinaja dola hetych zapasaŭ prypadaje na Baženaŭskuju śvitu (pačak hornych parod z vysokaj nasyčanaściu naftaj) - vielizarnaje hieałahičnaje ŭtvareńnie ŭ samym sercy Sibiry kala 3200 km na ŭschod ad Maskvy.

Ekśpierty ličać, što jano moža być adnym z najbujniejšych zapasaŭ haručych słancaŭ na płaniecie.

Pavodle adnoj z acenak, hetaja ščylnaja hornaja paroda moža źmiaščać da 100 miljardaŭ barelaŭ zapasaŭ nafty, što ŭ piać razoŭ bolš, čym radovišča słancaŭ u Bakienie ŭ Paŭnočnaj Dakocie, jakoje stała ruchavikom naftavaha adradžeńnia Amieryki.

«Praz 20 hadoŭ Baženaŭskaja śvita moža stać hałoŭnaj krynicaj nafty ŭ Rasii - navat bujniejšaj, čym radoviščy ŭ Paŭnočnym Ledavitym akijanie, - kaža Leanid Fiadun, vice-prezident najbujniejšaj rasijskaj naftavaj kampanii «Łukojł», jakaja vyrašyła zaniacca słancavymi radoviščami. - Heta daje nam mahčymaść ź vialikim aptymizmam kazać pra naftazdabyčy ŭ nastupnyja 50 hadoŭ».

Ale Kitaj, Vialikabrytanija, Aŭstralija, Mieksika - u cełym usie krainy, nie kažučy ŭžo pra ZŠA - dobra viedajuć, što prosta mieć zapasy słancavaha hazu abo nafty jašče nie aznačaje stvaryć słancavy bum.

Bo isnuje šmat pytańniaŭ, jakija treba niejak vyrašać, i pieršaje siarod ich - ci dastatkova baženaŭskaja nafta «śpiełaja» (kali arhaničny materyjał pad sibirskim płastom viečnaj mierzłaty ŭ stanie ćviordaha rečyva abo nie znachodzicca pad dastatkovym ciskam, to jon nie padydzie ŭ jakaści paliva). Dy i addalenaść Sibiry, jak i jaje chałodny klimat nie spraščajuć praces śvidravańnia.

U adroźnieńnie ad Kitaja, Rasija robić śvidraviny ciaham dziesiacihodździaŭ, i vialikaja častka nieabchodnaj infrastruktury: trubapravody, naftapierapracoŭčyja zavody, darohi, piersanał - užo jość u najaŭnaści. Na žal, sibirskim słancam brakuje čystych hieałahičnych prasłojek, jakija majuć amierykanskija pakłady słancaŭ, što dazvalaje vykarystoŭvać adnosna prostaje i pradkazalnaje śvidravańnie haryzantalnymi śvidravinami.

Rasija da hetaha času vielmi pavolna mianiała svoj kurs i ź ciažkaściu pryznała, što ŭ śviecie patencyjał novych krynic enierhii, jakija zdabyvajucca z dapamohaj hidrarazryvu, adciskajuć staryja.

Kali prytrymlivacca niedalnabačnaj stratehii, to možna i dalej spadziavacca na vielizarnyja zapasy tradycyjnych krynic nafty i hazu.

Ale ich zdabyča znachodzicca ŭ stanie stahnacyi, a kaliści vyklučna naftahazanosnyja radoviščy vyčerpvajucca. Zychodziačy z hetych dadzienych i ŭličvajučy toj fakt, što Rasija maje najbujniejšyja zapasy słancavaj nafty i dziaviatyja pa vieličyni zapasy słancavaha hazu ŭ śviecie, praciahvajučy pry hetym vielmi pavolna prymać pad uvahu novyja realii, jość usie padstavy ličyć, što słabaja supierdziaržava paniasie kałasalnyja straty ad nierealizavanych mahčymaściaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?