Štotydzień karektarka «Našaj Nivy» zapisvaje typovyja pamyłki, jakija jana vypraŭlała ŭ artykułach reparcioraŭ i pazaštatnych aŭtaraŭ. Štosierady hetuju padborku jana rassyłaje supracoŭnikam.

Takim čynam my starajemsia ŭźniać kulturu movy.

Prablema ŭ tym, što sa škoły i ŭniviera ludzi vychodziać ź nietryvałymi viedami biełaruskaj. Da taho ž daminacyja rasiejskaj movy ŭ haradskim asiarodździ, na radyjo i TV błytaje ludziej. Davodzicca ŭvieś čas nahadvać praviły.

My padumali, što hetyja pamyłki mohuć być cikavyja i čytačam, jakija vučać movu ci lubiać movu. Heta ž typovyja vypadki.

Siońnia tut sabranyja pamyłki za apošni tydzień.

Forma tłumačeńnia — minimalistyčnaja.

• Pradukty, rečyvy, materyjały ŭ rodnym skłonie mužčynskaha rodu majuć kančatak -u (šakaładu, cukru, vinahradu), ale tut jość vyklučeńni: pravilna kazać chleba, aŭsa.

• Častki cieła ŭ rodnym skłonie mužčynskaha rodu ŭžyvajucca z kančatkam -a (nosa, rota, žyvata), ale ŭ słovie tvar majem kančatak -u (tvaru).

• Taksama z kančatkam -u u rodnym skłonie ŭžyvajucca nazoŭniki mužčynskaha rodu, jakija abaznačajuć raznastajnyja źjavy pryrody i stychijnyja biedstvy, tamu pravilna kazać urahanu, ahnju, śvitanku.

• Pika, apahieja (kančatki rodnaha skłonu).

• Ab palitviaznju (kančatak miesnaha skłona asabovych nazoŭnikaŭ mužčynskaha rodu z asnovaj na miakki zyčny, a nie ab palitviazni)

• Ličebnik dziesiać u tvornym skłonie (čym?) maje formu dziesiaccju.

• Składanyja słovy, pieršaja častka jakich — ličebnik, utvarajucca tak: forma R. skł. ličebnika + druhaja asnova (sto – sta = stahadovy, try – troch = trochrazovy).

• Błokpost (u adno słova i dźvie o).

• Vializnych, ale vielizarnych; uciakač, ale uciekačom (jakańnie – tolki ŭ pieršym składzie pierad naciskam).

• Pavažny (starečy) uzrost, a nie pavažany.

• Paŭdniova-Afrykanskaja Respublika (hieahrafičnaja nazva), ale paŭdniovaafrykanski klimat (klimat u Paŭdniovaj Afrycy).

• Vadaschovišča (u 2-j častcy nacisk na 1-y skład) – vodanapornaja (u 2-j častcy nacisk na 2-i skład) vieža, tamu pišam i abaranazdolnaść.

 

Hladzi taksama Typovyja pamyłki z «Našaj Nivy» za listapad

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?