Viciebski pravaabaronca Pavieł Levinaŭ źviarnuŭsia ŭ miascovuju prakuraturu i paskardziŭsia na kiraŭnicu akružnoj vybarčaj kamisii Budaŭničaha vybarčaj akruhi №57 Maryny Navickaj.

Nastaŭnica pačatkovych kłasaŭ i dyrektarka viciebskaj škoły №12 vydała ŭsim siabram inicyjatyŭnych hrup paśviedčańni na biełaruskamoŭnym błanku i zapoŭnienyja pa-biełarusku. A pavodle pastanovy CVK, tyja, chto padavaŭ śpis siabroŭ pa-rusku, musili atrymać rasijskamoŭnyja paśviedčańni.

Jak vynik, prakuratura vyniesła Marynie Navickaj papiaredžańnie ab niedapuščalnaści parušeńnia zakona.

Biełaruski Chielsinkski kamitet, pradstaŭnikom jakoha źjaŭlajecca Levinaŭ vystupiŭ z zajavaj, što dziejańni pravaabaroncy nakiravanyja nie na padtrymku jakoj-niebudź ź dziaržaŭnych movaŭ, a na abaronu zakona i ŭ napamin siabram vybarkamaŭ ab nieabchodnaści stroha vykonvać zakon.

 * * *

Pavieł Levinaŭ – pradstaŭnik Biełaruskaha Chielsinkskaha kamiteta pa Viciebščynie. Na praciahu 18 hadoŭ słužyŭ va Uzbrojenych siłach, byŭ zvolnieny za padaču pazovu ŭ sud na ministra abarony.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?