Administracyja Jeŭrapiejskaha humanitarnaha ŭniviersiteta vystupiła z adkrytaj zajavaj nakont apošnich padziej va ŭniviersitecie.

«Našyja vykładčyki prasili nas uvieści doŭhaterminovyja
pracoŭnyja damovy, i my zhadžajemsia, što asnoŭny vykładčycki skład pavinien być pracaŭładkavany na ich asnovie.

Kab zaklučyć takija damovy, zakon patrabuje pravieści adkryty konkurs. Kab paśpieć padpisać damovy svoječasova da pačatku nastupnaha navučalnaha hoda, my pierachodzim da arhanizacyi adkrytaha konkursu. Našaje rašeńnie padtrymana Kiraŭničaj radaj i adpaviadaje Statutu Univiersiteta i zakonam Litvy.

Novyja vakansii buduć abjaŭlenyja nieŭzabavie. My budziem vykarystoŭvać krytery adboru, zaćvierdžanyja Sienatam u 2010 hodzie — nastolki, nakolki jany adpaviadajuć litoŭskim zakonam, a Sienat budzie mieć prava naminavać dvuch źniešnich navukoŭcaŭ u Konkursnuju kamisiju.

Na žal, hrupa vykładčykaŭ vykarystoŭvała svaje pasady ŭ Sienacie, kab pieraškodzić arhanizacyi adkrytaha konkursu.

My, administracyja, šmatkrotna prasili Sienat zrabić uniosak u hety praces i chacieli b abmierkavać punkty nieparazumieńnia. Našyja prapanovy abmierkavać nieparazumieńni byli zbolšaha niepačutymi.

Čynieńnie pieraškodaŭ supravadžałasia adkrytym ačarnieńniem kiraŭnictva i kirujučych orhanaŭ Univiersiteta; skažeńniem palityki Univiersiteta, u tym liku nieabhruntavanymi publičnymi abvinavačvańniami, byccam by Univiersitet maje namier zvolnić i dyskryminuje biełaruskich vykładčykaŭ; patrabavańniami, kab ź niekatorymi vykładčykami byli zaklučanyja doŭhaterminovyja pracoŭnyja damovy biez konkursu; ultymatumami kirujučym orhanam Univiersiteta i pahrozami arhanizacyjaj niezakonnych strajkaŭ, zryvam naboru studentaŭ i adnosinaŭ sa stejkchołderami i donarami; nahniatańniem strachu i manipulavańniem studentami.

 Administracyja prymaje zachady dla zabieśpiačeńnia niepierapynnaści navučalnaha pracesu našych studentaŭ, što jość našym hałoŭnym kłopatam.

Jeŭrapiejski humanitarny ŭniviersitet pa-raniejšamu całkam prytrymlivajecca akademičnych svabodaŭ, u tym liku i svabody vykazvać niazhodu z rašeńniami administracyi. Adnak usie, chto pracuje va Univiersitecie, taksama majuć abaviazak pavodzić siabie pravamierna i etyčna i ŭ pieršuju čarhu adkazna dbać pra intaresy studentaŭ.

My vierym, što mnohija našyja vykładčyki buduć cudoŭnymi kandydatami na novyja pasady. My taksama vierym, što našyja najlepšyja vykładčyki razumiejuć naš kalektyŭny abaviazak demanstravać prychilnaść padvyšeńniu jakaści praz adpaviednaść Univiersiteta nacyjanalnym i mižnarodnym standartam i normam.

My pieražyvajem pieryjad peŭnych vyklikaŭ, ale my ŭpeŭnienyja, što pieramoža rozum. Ad imia jak vykładčykaŭ, tak i administracyi my chacieli b zapeŭnić studentaŭ u našaj addanaści im. U nas jość upeŭnienaść u budučyni našaha Univiersiteta, a taksama padtrymcy našych donaraŭ i prychilnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0