U minułym hodzie Biełaruś pastaviła ŭ Rasiju amal 1,5 młn. ton naftapraduktaŭ. Pavodle infarmacyi BiełaPAN, asnoŭny abjom biełaruskich naftapraduktaŭ, realizavanych na rasijskim rynku, pryjšoŭsia na aŭtabienzin. 

Tak, pavodle danych, u Rasii ŭ 2013 hodzie było pradadziena 1,15 młn. ton aŭtamabilnaha bienzinu, vyrablenaha na terytoryi Biełarusi. Akramia hetaha, u Rasiju było pastaŭlena 216 tys. ton biełaruskaha dyzielnaha paliva i 77 tys. ton paliva dla reaktyŭnych ruchavikoŭ i 4 tys. ton mazutu. 

Nahadajem, što realizacyja biełaruskich naftapraduktaŭ na terytoryi Rasii źjaŭlajecca adnoj z umoŭ pastavak rasijskaj nafty ŭ Biełaruś. Upieršyniu pastaŭka biełaruskaha paliva na rasijski rynak była praduhledžana bałansami, jakija Biełaruś i Rasija padpisali na 2012 hod. 

Usiaho Biełaruś ekspartavała ŭ 2013 hodzie 13,56 młn. ton naftapraduktaŭ na 10,18 młrd. dołaraŭ. Akramia taho, na źniešnija rynki Biełaruś taksama pastaviła 1,62 młn. ton nafty na 1,24 młrd. dołaraŭ. 

Pry hetym varta adznačyć, što valutnyja pastupleńni Biełarusi ad ekspartu tavaraŭ u 2013 hodzie skłali 35,95 młrd. dołaraŭ. Takim čynam, amal tracina vyručki Biełarusi ad ekspartu tavaraŭ prypadaje na naftavyja pazicyi (nafta i naftapradukty).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?