Viktar Šaršun paviesiŭ bieł-čyrvona-bieły ściah na viaroŭku dla suški bializny na svaim bałkonie. 

Viktar Šaršun paviesiŭ bieł-čyrvona-bieły ściah na viaroŭku dla suški bializny na svaim bałkonie. 

Piensijanier Viktar Šaršun žyvie na trecim paviersie piacipaviarchovaj «chruščoŭki» na cichim bulvary Tarasa Šaŭčenki. Adnak viečar 8 lutaha dla jaho vydaŭsia zusim nie cichi.

«Cituški pryjšli»

Reč u tym, što na toj momant nad bałkonam Viktara Šaršuna ŭžo dva tydni jak łunaŭ bieł-čyrvona-bieły ściah. Viktar nie ŭvachodzić u palityčnyja partyi. Ściah jon paviesiŭ, bo «vieryć u jeŭrapiejski nakirunak raźvićcia našaj krainy».

Viktar Šaršun na bałkonie. 

Viktar Šaršun na bałkonie. 

«Da taho ž, na śvitanku ściah pryvabna zichacieŭ na soncy», — kaža Viktar.

8 lutaha ściah pryjšli zdymać. «Spačatku da majoj susiedki prychodzili dvoje maładych chłapcoŭ «spartovaha vyhladu». Jak ich va Ukrainie kličuć… «Cituški»… Jany dumali, što ściah visić u jaje, ale pamylilisia. A ŭviečary viarnulisia da mianie», — uzhadvaje jon.

«Byŭ by bałončyk poŭny…»

Prykładna ŭ 18:30 u dźviery Viktara pazvanili.

«U mianie na dźviarach jość vočka, adnak praź jaho drenna bačna, što robicca na leśvičnaj placoŭcy. Ja pahladzieŭ — pierad dźviaryma stajaŭ čałaviek u cyvilnym. Jon skazaŭ, što źjaŭlajecca supracoŭnikam ŽESa. Ja adamknuŭ dźviery i ŭbačyŭ, što pobač ź im stajać dva milicyjanty. Ja b skazaŭ tak: «ludzi, apranutyja ŭ milicejskuju formu». U ich nie było bedžaŭ, jany nie pradstavilisia. Adrazu zahadali prybrać ściah.

Na pieranośsi Viktara bačny śled ad udaru. Na paličcy ŭ jaho pakoi stajać uznaharody jaho pitomcaŭ — Viktar razvodzić ruskich toj-terjeraŭ.

Na pieranośsi Viktara bačny śled ad udaru. Na paličcy ŭ jaho pakoi stajać uznaharody jaho pitomcaŭ — Viktar razvodzić ruskich toj-terjeraŭ.

Ja pasprabavaŭ zamknuć dźviery, ale jany pieraškodzili, hvałtoŭna ŭvarvalisia ŭ maju kvateru. Ja schapiŭ hazavy bałončyk i nakiravaŭ na ich, ale bałončyk byŭ pusty. Tady mianie ŭdaryli ŭ nos, pavalili, bili pa rebrach, potym prykłali hałavoj ab padłohu».

Bałončyk Viktar nabyŭ dla samaabarony. Kaža, što adnojčy na jaho kinuŭsia pjany supracoŭnik ŽESu, tamu jon vyrašyŭ pierastrachavacca. Adnak ciapier Viktar navat rady tamu, što zbroja nie spracavała.

«Mnie patłumačyli: byŭ by haz, paškodziŭ by ja kamu zrok, nastupstvy byli b zusim inšymi», — kaža jon.

«Navat apranucca nie dali»

«Ja byŭ bosy, u čyrvonych humovych słancach, i z hołym torsam. Na mianie źvierchu nakinuli kurtku i vyvieli na vulicu. Tam my jašče čakali milicejskuju mašynu, jakaja musiła dastavić nas u Centralny RUUS. Padniacca i apranucca mnie nie dazvolili.

U takim vyhladzie (ale z hołym torsam) Šaršuna vyvieli z kvatery. Viktar demanstuje humovyja słancy, jakija byli na jahonych nahach. 

U takim vyhladzie (ale z hołym torsam) Šaršuna vyvieli z kvatery. Viktar demanstuje humovyja słancy, jakija byli na jahonych nahach. 

U RUUSie niedzie da 9-j hadziny viečara ja siadzieŭ prosta tak. Potym mianie zavieźli na miedaśviedčańnie na Minina. Tam mianie pravieryli na ałkahol u kryvi i viarnuli ŭ RUUS, skłali pratakoły pa art. 23.4 (niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) i 23.5 (abraza słužbovaj asoby pry vykanańni im słužbovych paŭnamoctvaŭ) Kodeksa ab administratyŭnych pravaparušeńniach. Ja aznajomiŭsia z pratakołam, padpisaŭ jaho i mianie vypuścili. Ale kali ja ŭžo vychodziŭ z RUUS, mianie spyniŭ dziažurni i skazaŭ: pastupiŭ zahad načalnika trymać mianie da suda pad aryštam.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona. 

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona. 

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Skarha na dziejańnie supracoŭnikaŭ milicyi, jakuju Viktar Šaršun dasłaŭ u prakuraturu Centralnaha rajona.

Pačuvaŭsia ja nie vielmi dobra: byŭ pabity, dyj tachikardyja nahadała pra siabie. Tamu kala pałovy na druhuju nočy 9 studzienia mnie vyklikali chutkuju, jakaja adviezła mianie ŭ 2-ju kliničnuju balnicu. Tam mnie zrabili renthien rebraŭ — dziakuj Bohu, abyšłosia bieź pierałomaŭ — i kardyjahramu. Milicyjanty sa mnoju nie pajechali. Tamu z balnicy mianie adpuścili, i ja pajechaŭ dadomu. U sud mianie abiacali vyklikać pozvaj, ale kali što adbudziecca, nieviadoma», — raskazvaje pra svaje pryhody Viktar.

Viktar demanstruje kavałak dreŭka ściaha, jaki jon zamacavaŭ na bałkonie 19 śniežnia. 

Viktar demanstruje kavałak dreŭka ściaha, jaki jon zamacavaŭ na bałkonie 19 śniežnia. 

«Hety ściah — užo druhi»

Bieł-čyrvona-bieły ściah łunaŭ nad bulvaram Šaŭčenki i raniej.

«Pieršy raz ja paviesiŭ ściah 19 śniežnia. Ale niechta, ja nie viedaju chto, zalez pa dachu kramy, što pad maim bałkonam, praz susiedski bałkon na moj i źniaŭ jaho. Vyłamali dreŭka i ŭciahnuli. Tady ja pieršy raz źviarnuŭsia da pravaabaroncaŭ-viasnoŭcaŭ. Mnie patłumačyli, što hetaja simvolika nie zarehistravanaja, ale i nie zabaronienaja, i na svaim bałkonie ja mahu paviesić hety ściah».

Sałamianaje pano la ŭvachoda ŭ kvateru Viktara.

Sałamianaje pano la ŭvachoda ŭ kvateru Viktara.

Viktar kaža, što nad jaho leciščam taksama łunaje bieł-čyrvona-bieły ściah. «Nastupny ściah dla kvatery ja nabudu, jak tolki atrymaju čarhovuju piensiju», — kaža Viktar Šaršun.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?