Aŭtobus Ašafenburh — Maskva prachodziŭ pamiežny kantrol na ŭjeździe ŭ Biełaruś u punkcie propusku «Brest» 9 lutaha. Vonkavy dahlad transpartnaha srodku vyklikaŭ padazreńni, i aŭtobus nakiravali ŭ boks pahłyblenaha nadhladu.

U vyniku supracoŭniki Bresckaj mytni za kratami radyjatara, a taksama ŭ sałonie aŭtobusa za płastykavaj ašaloŭkaj mižstolevaj prastory vyjavili 9 futlaraŭ dla hadzińnikaŭ, 9 rułonaŭ kožzamianialnika, 20 słoikaŭ aŭtamabilnaha kleju, bolš za 500 upakovak hielu-farby dla paznohciaŭ i hielu dla naroščvańnia paznohciaŭ, a taksama kala 600 šprycaŭ z botaksam.

Pavodle infarmacyi pres-słužby Bresckaj Čyrvanaściažnaj pahraničnaj hrupy imia F. Dziaržynskaha, usie niezadekłaravanyja tavary naležali 35-hadovamu kiroŭcu aŭtobusa, hramadzianinu Rasii.

Kantrabandu na ahulnuju sumu bolš za 1 młrd 270 młn biełaruskich rubloŭ, a taksama aŭtobus «Sietra», jaki acanili ŭ 300 młn rubloŭ, kanfiskavali da rašeńnia suda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?